【J2ers】JoJo以出貓奇遇勉勵DSE考生 黃紫恩曾被教授利誘出埠：話包我A+【多圖】
發布時間： 2023/04/21 15:53
最後更新： 2023/04/21 15:59
▲ 黃紫恩自爆同學的出貓經歷！
DSE中學文憑試今日（4月21日）開考，一眾J2ers近日於IG發文為DSE考生打氣，當中J2台柱黃紫恩（JoJo）昨晚（4月20日）於個人IG分享一張中學時代的學生相，束著馬尾的她樣子青澀！當中JoJo分享中學時代同學的出貓奇遇。
JoJo透露當年考試時隔離位的同學經常「出貓」，某次考中史科，她見到對方在櫃桶底打開課本來抄，落堂之後JoJo既被老師捉去「審」。當時老師問她有否看到該同學「出貓」，又問為何不舉手告之老師，更稱這樣對其他同學不公平。
【不正常愛情研究所】黃紫恩回想初出Pool經歷 Jojo自認麻煩：乜嘢都要人湊住
JoJo透露當時這樣回答老師：
我話我睇到，
但係我知道佢冇溫書，
我見佢望住試卷d問題揭爛本書，
都唔知抄邊度落邊度，
所以我勸老師不如算啦。
我都係第一次睇人出貓出到咁委屈🥹
揭到又R曬頭又飲泣又dum曬地，
應該考完都係炒車，
不如你高抬貴手放過佢，
黃紫恩：成功冇捷徑
JoJo為出貓同學「求情」，亦希望藉此經歷鼓勵DSE學生努力讀書，她寫道：「佢自己會知冇溫書連貓都出唔到，最後老師放走左我，唔知老師最後有冇鬧果個同學，淨係知佢後黎冇再出貓，中史都考到全級頭三好叻。成功冇捷徑，唔好放棄盡人事就掂曬！
Be Chill!」
網民紛紛留言，笑問JoJo：「你同學係咪周星星，攞本國文書黎出貓」，某網民更讚JoJo：「其實JoJo讀書果時，竟然有自己一套睇法，都幾早熟。」
【奇蹟的罐頭料理】黃紫恩化身性感小夥貓放電 Jojo扮Sexy不尷尬：慣咗【多圖】
作風大膽獲封「性女」
27歲的黃紫恩（JoJo）本名黃芷欣，早於2019年擔任Big Big Channel的KOL，大學畢業後加入TVB任《#後生仔傾吓偈》、《姊妹淘》等節目做主持。
另外，她亦參與劇集的演出，包括於《愛．回家之開心速遞》演群姐的「濾鏡版」，以及於《青春不要臉》扮學生妹。
最新影片推介：江美儀專訪
說到最受注目，JoJo跟「波波」黃婧靈因主持節目《冇人性教育》，而獲封「TVB新一代性女」。
她在節目大方談及有關「性」的課題，在其中一集內，JoJo與一眾主持介紹不同款式的避孕套，只見她拿起青瓜作試範，而且手勢十分純熟，完全不扭擰，連在旁的「波波」都睇到眼定定，而現時她主持《不正常愛情研究所》，同樣大膽作風。
教授以成績誘陪出差
入行前JoJo於香港理工大學修讀設計科，JoJo曾在J2節目《不正常愛情研究所》爆料，透露大學時期獲教授開出「離奇」得到高分條件，以A+成績利誘陪出差：「佢話：『我嚟緊返去內地做 Project，JoJo你不如跟我返去，我包你 A+。』」其後以過完暑假便畢業拒絕對方。
另外JoJo大學時期曾經失戀，她既然化悲憤為力量勤力讀書︰「嗰時係咁讀書博高分，最後考試爆晒4（A grade），係有少少報復心理，想佢追返我，最後都有喺返埋一齊。」
擁有好身段的JoJo亦不時於IG大方派福利，性感程度不遜於波波。同時她舞功不俗，在《全城一叮》大騷舞藝，亮相《獎門人》時更玩濕身誘惑。
精彩獎賞活動等您發掘：https://bit.ly/3ClEy1R
撰文 : TOPick柴犬出動
